STATISTIKA TË SHËNDETI MENDOR NË SHQIPËRI

venis

 

Shqipëria ka afërsisht 3 psikiatër për  100 000 banorë

Në  një studim-sondazh të realizuar nga  OBSH (Organizata Botërore e Shëndetësisë kohët e fundit në vendin tone, nga 500 të intervistuar nga qytete të ndryshme të  Shqipërisë  , vetëm 8 % kanë pranuar se kanë kaluar probleme të shëndetit mendor. Specialistët mendojnë se përqindja duhet të jetë më e lartë, për shkak të stigmës që kanë  shqiptarët për të  pranuar se kanë  problem të shëndetit mendor.

75 % e të intervistuarve shqiptarë  shprehen  se problemet nga të cilat shqiptarët preken më shumë janë janë STRESI ANKTHI DEPRESIONI por dhe ALKOOLI

Shkaqet kryesore të sëmundshmërisë rezultojnë të jenë: PROBLEMET EKONOMIKE, PAPUNËSIA dhe NIVELI I LARTË I VARFËRISË

Numri i psikiatërve për 100.000 banorë,  është një ndër treguesit më të rëndësishëm mbi cilësinë e sistemit të shërbimit të shëndetit mendor.

Nga të dhënat e 41 shteteve që kanë ofruar të dhënat e tyre statistikore për OBSH-në,  Zvicra dhe Finlanda kanë numrin më të lartë të psikiatërve për 100.000 banorë, përkatësisht 30 dhe 26.  Nga të dhënat e 41 shteteve që kanë ofruar të dhënat e tyre statistikore për OBSH-në,  Zvicra dhe Finlanda kanë numrin më të lartë të psikiatërve për 100.000 banorë, përkatësisht 30 dhe 26. Turqia ka numrin më të vogël , 1 psikiatër në 100 000 banorë

15% e popullsisë në vendet më të zhvilluara vuajnë  nga forma të renda të depresioneve.                                        Informacion nga : World Health Organization (WHO) January 9, 2001.

80% e njerëzve që vuajnë nga depresioni në Amerikë  nuk marrin mjekim   (Informacion nga : National Healthcare Quality Report”, 2003.)

15% njerëzve që vuajnë nga depresioni kryejnë suicid.     Informacion nga : Agency for Healthcare Research and Quality, 2003

Depresioni do të jetë shkaku i dytë i vdekjeve pas sëmundjeve të zemrës  në vitin 2020.  (Informacion nga : WHO report on mental illness released October 4, 2001).


Depresioni dhe Diabeti

venis

4
Diabeti është një ndër shqetësimet serioze shëndetësoe, që shpesh herë ka lidhje me depresionin.

Trajtimi për depresion ndihmon njerëzit të lehtësojnë simptomat e dy sëmundjeve, duke përmirësuar cilësinë e jetës .

Ka shumë studime shkencore të kontrolluara, që japin të dhëna se diabeti e dyfishon rrezikun e depresionit, sidomos kur diabeti përkeqësohet.

Trajtimi i depresionit me psikoterapi, barna, apo nga kombinimi i të dyjave bashkë, përmirëson ndjeshëm mirëqenien dhe aftësinë tuaj për të menaxhuar diabetin me sukses.

Lidhjet ndërmjet depresionit dhe diabetit janë akoma të paqarta.

Depresioni mund të zhvillohet për shkak të stresit, por edhe nga efektet metabolike të diabetit në tru.

Pavarësisht nga përparimet e mëdha në kërkimet e trurit në vitet e fundit, depresioni shpesh herë kalon pa u diagnostikuar dhe i pamjekuar në shërbimin primar.

Familjarët, miqtë dhe kolegët, por jo rrallë edhe mjekët e familjes nuk i dallojnë në kohë simptomat e depresionit tek diabetikët.

Depresioni është një gjendje të rëndë shëndetësore që ndikon në mendimet, ndjenjat, duke ulur ndjeshëm aftësinë për të funksionuar sipas mënyrës normale të mëparshme .

Depresioni mund të shfaqet në në çdo moshë dhe nuk ka vetëm një faktor që ndikon në shpërthimin e depresionit.

Episodet e depresionit mund të shpërthejnë nga stresi, nga ngjarje të vështira të jetës, nga faktorë të tjerë shoqërore si; papunësia, mungesa e mjeteve financiare, ngjarje të rënda të jetës si vdekje, braktisje, divorce etj

Ekzistojnë dy lloje diabetesh: Diabeti tip 1 dhe Diabeti tip 2

Diabeti tip 1 , është kur sistemi imun shkatërron prodhimin e qelizave që prodhojnë insulinë tek pankreasi. Kjo formë kërkon injeksione të përditshme insuline ose injeksione automatike me pompë insulinë,nëpërmjet të cilave organizmi e përthith vetë sasinë e duhur të insulinës që I nevojitet organizmit.

Diabeti tip 2, përbën rreth 90 për qind e të gjitha rasteve të Diabetit dhe shfaqet kryesisht rreth moshës 40 . Simptomet e diabetit janë: lodhja, urinimi i shpeshtë , etja e pazakontë, humbja në peshë, problemet me shikimin, shërimi i ngadalshëm i plagëve etj.

Kërkimet shkencore mbi diabetin konstatojnë se rreth një e treta e njerëzve me diabet të tipit 2 nuk e dinë fare se vuajnë nga diabeti deri sa vjen një moment që gjëndja rëndohet ndjeshëm dhe vetëm atëherë drejtohen tek mjeku.

Mjekimet antidepresive përgjithësisht tolerohen mirë dhe në mënyrë të sigurt nga pacientët diabetikë.

Mjekimi i depresionit me barna antidepresantë kërkon disa javë që të fillojë të japë efektet e duhura dhe që të arrihet të bëhet një dozim i saktë individual.

Mjekimi për depresion i një pacienti diabetik duhet të realizohet nga një komunikim dhe bashkëpunimi i rregullt i një mjeku psikiatër dhe mjekut endokrinolog.

Përveç humorit të rëne depresiv, personat diabetikë mund të përjetojnë edhe çrregullime të tjera si psh çrregullime të ankthit.

Shpesh herë dhimbjet karakteristike kronike apo polineuropatitë diabetike mjekohen me sukses me doza individuale antidepresantësh,ndër të cilat më i përzgjedhuri rekomandohet Duloksetina.Por gjithsesi është shumë e nevojshme dozimi I mbikqyrur nga mjeku psikiatër.

Përdorimi i barnave, apo përbërjeve bimore popullore nga pacienti vetë ose i rekomanduar nga persona që nuk kanë njohuritë e duhuara mbi bashkëveprimet e rrezikshme të barnave duhet të evitohet, për shkak se duke mos ditur çfarë përmban një “bar popullor” gjendja mund të komplikohet në mënyrë të paimagjinueshme.

Nëse ju vuani nga diabeti dhe keni nervozitet të shprehur ankth problematic dhe simptoma depressive mos u dekurajoni !

Me një mjekim të kujdesshëm , cilësia e jetës suaj do të jetë do të normalizohet pa problem,jaft që të jeni tëduruar dhe të respektoni këshillat e mjekut..

Klinika mjekësore “ VENIS “ ju ofron mbështetjen e duhur.


NDËRPRERJA E MJEKIMIT PA DIJENINË E MJEKUT: PROBLEM SHQETËSUES

venis

Në praktikën e përditshme klinike shumë shpesh mjekët dhe familjarët hasin problem me  Individët me probleme të theksuara të çrregullimeve psikiatrike. Problemet më kryesore janë:

Refuzimi për të marrë mjekimin që është një nga problemet më serioze . Pacientët me çrregullime të rënda ,duke mos marrë mjekimin bëhen të dhunshëm ,mund të shkaktojnë probleme në familje dhe jashtë saj. Rigjallërimi i simptomeve, mund të çojë në mosbindje ,largime pa adresë nga shtëpia, kryerjen e akteve të dhunës ose sjelljeve të papërshtatshme publike dhe jo rrallë herë bëhen objekt i ndalimeve apo arrestimeve nga forcat e rendit. Kjo e komplikon më shumë problemin , se përsëri pacientët mund të mbeten pa mjekim ose pa mjekimin e duhur deri në zbardhjen e plotë të procedurave ligjore.

Konsumimi i alkolit është një arësye tjetër e  rëndësishme  që rezulton në sjellje akoma më të pakontrolluar dhe në komplikacione të mëdha.

Abuzimi me drogat  ndonëse nuk është shumë i shprehur në raport me alkoolin ndodh më shpesh tek të rinjtë duke filluar që nga drogat e lehta deri tek ato më të rendat dhe më të kushtueshme. Jo rrallë herë kartegori të tilla përdoren për qëllime përfitimi nga shpërndarësit e drogës që fatkeqësisht sot nuk janë të paktë.

Efekte anësore të disa lloje barnash, janë shpesh një arësye që individët nuk kanë dëshirë të marrin ilacet dhe për këtë nuk mund të realizohet bashkëpunimi terapeutik mjek-pacient. Duke mos marrë mjekimin, simptomat përkeqësohen gjithnjë e më tepër dhe pacientët asnjëherë nuk mund të arrijnë rezultatet e pritshme.

Duhet ditur se për shumë nga barnat nevojitet një periudhë mesatarisht disa javore për të  patur efekt   maksimal mjekimi dhe për të krijuar idenë e dozës së nevojshme individuale

Duhet ditur se efektet anësore janë më të shprehura në fillimet e mjekimit por me një dozim të  kujdesshem dhe bashkëpunim reciprok, me kalimin e kohës efektet anësore zbuten deri sa shuhen fare.


Çfarë nuk duhet të harroni për qetësuesit

venis

Kujdes me përdorimin e qetësuesve!
1371215_10201383933332713_886158551_n
Në tregun botëror sot janë në qarkullim mbi 2000 emra qetësuesish të  prodhimeve farmaceutike nga më të ndryshmet,  por vetëm  15 janë aktualisht jane barna baze. Pavarësisht nga emrat e ndryshëm dhe prodhimet xhenerike në vende të ndryshme, Valium-i, Loram-i dhe Ksanaks-i janë ndër barnat qetësues që përdoren më shumë nga njerëzit edhe në botë, por me një ndryshim shumë të madh; askush nuk mund të sigurojë qetësues pa një recetë mjekësore.

 

Në Shqipëri me përjashtime të rralla mund të blesh qetësues të çdo lloji, thuajse në çdo farmaci të vendit.

Përdorimi i qetësuesve në praktikën klinike rekomandohet  nga mjeku për të qetësuar ankthin, pagjumësinë, si relaksues në spazmat muskulare, për të evituar konvulsionet në rastet e lënjes së alkoolit, përpara kryerjes së operacioneve operacioneve kirurgjikale etj.

Përzgjedhja e një qetësuesi benzodiazepinë, në të gjithë botën rekomandohet vetëm nga mjekët përkatës, për një kohë sa më të shkurtër që të jetë e mundur, aq sa nevojitet, dhe ndërprerja bëhet graduale për të shmangur efektet e padëshiruara nga ndërprerja e menjëherëshme.

Veprimi i benzodiazepinave (BZD) në sistemin nervor qëndror shkakton ngadalësimin e veprimtarisë së tij.

Përdorimi pa kriter dhe i pakonsultuar me mjekët mund të shkaktojë vartësi fizike dhe apasionim pas barit. Individi ka vazhdimisht nevojë për sasi më të mëdha doze për të arritur efektin e dëshiruar.

Ndërprerja e menjëherëshme , pas një përdorimi për një kohë relativisht të gjatë,  mund të shfaqet “sindromi i ndërprerjes” që manifestohet me rritje të pulsit të zemrës, tensionit arterial, djersë të ftohta dhe dridhje trupi etj . Në një  stad të mëvonshëm gjëndja mund shkojë drejt një rëndimi në rritje deri në konfuzion mendor, konvulsione dhe jorrallëherë halucinacione pamore ( figura të pakuptimta dhe shqetësuese).

Varësia fizike nga bari BZD (benzodiazepinat) shoqërohet  me simptoma fizike dhe psikologjike si rezultat e pranisë kronike të barit në  kontakt me sistemin nervor qëndror të trurit.

CILAT JANË  SHKAQET MË TË SHPESHTA TË  ABUZIMIT ME QETËSUES

Shkaqet më të  shpeshta të abuzimit  me qetësues janë marrja e pakontrolluar e qetësuesve për lehtësuar dhe reduktuar ankthin, stresin  dhe pagjumësinë pamvarësisht nga shkaku.

Në rastin e dozimeve individuale të papërshtatshme  vihet re fenomeni i përgjumjes shkrehjes trupore dhe rënjes së rendimentit intelektual dhe fizik.

Rreziku më i madh nga dozimet e pakontrolluara është helmimi akut nga mbidozimi, i cili ka pasoja deri fatale për jetën sidomos kur shoqërohet me alkool.

Simptomat më  të shpeshta mund të jenë përgjumja, konfuzioni mendor, marramendja, mjergullimii pamjes , debulesa e theksuar, vështirësi në artikulimin e fjalëve, moskordinimi i lëvizjeve, vështirësi në frymëmarrje dhe më e rrezikshmja nga të gjitha : humbja e vetëdijes deri në koma.

 

Në përdorimin afatgjatë apo në abuzimin kronik shfaqen shenja që  vihen re nga të gjithë si ulje e përqëndrimit dhe rendimentit në punë , ndryshime në stilin e sjelljes dhimbje koke të vazhdueshme ,  ankth,  pagjumësi shqetësuese, rënje e oreksit  dhe dobësi e përgjithëshme trupore që,  çon në varësi fizike dhe fiziologjike.

 

ÇFARË NDODH NGA NDËRPRERJA E MENJËHERËSHME E BARIT

Ndërprerja e menjëherëshme e barit mund të çojë në simptomat e ndërprerjes zvjerdhjes, që zakonisht  shfaqet  nga 24 orë deri  deri 3- 4 dite pas marrjes së dozës së fundit në vartësi të llojit të qetësuesit që është përdorur.

Jo rrallë herë  shumë pacientë nuk tregojnë realisht për historinë  e vërtetë të abuzimit me qetësues për shkaqe nga më  të ndryshmet. Shumë persona nuk janë në gjëndje të japin informacion edhe për shkak të konfuzionit dhe mospërqëndrimit që kanë.

Përdorimi BZD-ve pa kriter përbën një  problem shumë më të  mprehtë për një kategori të veçantë popullate si  gratë  shtatzëna dhe të moshuarit,  tek të  cilët  komplikacionet mund të jenë  të paimgjinueshme për shëndetin dhe për  jetën.

ÇFARË DUHET BËRË NË RASTIN E NJË HELMIMI AKUT RASTËSOR OSE TË QËLLIMSHËMË

Neqoftëse bari është  marrë brenda një periudhe 1 deri 2 orë duhet bërë  lavazh gastrik ( ka një rrezik të madh që nga vjellja pas lavazhit të kemi mbytje ose bllokim të rrugëve të frymëmarrjes sipas gjëndjes së të sëmurit).

Zgjidhja më e mirë është mos humbni kohë… Urgjent në urgjencën e specializuar për këtë qëllim…URGJENCËN TOKSIKOLOGJIKE .

Përdorimi i sondave të posaçme  direkt në stomak  dhe perfuzionet me lëngje intravenoz në një repart urgjence është zgjidhja më e mirë për momentin e parë.

Në rastet kur mund të kenë kaluar rreth 4 orë nga marrja e qetësuesve, rekomandohet Karbon aktiv i tretur në ujë për të parandaluar përthithjen e mëtejshme nga organizmi .

Në urgjenca i vetmi  antidot specifik për këto raste në të gjithë  botën është bari Flumazenil injeksion ( përdoret vetëm në repartet e terapisë intensive në  urgjenca dhe vetëm nga mjeku specialist reanimator toksikolog ose psikiatër), për të  ulur efektet sedative dhe toksike të barit.

Abuzuesit kronikë  trajtohen në qëndra të specializuara duke reduktuar gradualisht dozat e qetësuesve. Niveli i ulët ekonomik, papunësia, mossigurimi shëndetësor dhe mundësia për të siguruar qetësuesit nëpër Farmaci ( bëjnë përjashtim shumë pak Farmaci në Tiranë ku nuk mund të marrësh barna pa recetë), bëjnë që për shumë individë fatkeqësisht “zgjidhja më e mirë “ është një paketë e lirë qetësuesish dhe këshillat e një farmacisti.

Në vendet e Komunitetit Europian , ekzistojnë rregulla dhe inventare strikte mbi konsumin dhe mënyrën e dhënjes së medikamenteve.

Me qëllimin për të rritur më tepër njohuritë tuaja ,së afërmi, do të gjeni informacione dhe këshilla konkrete mbi:

  • përkujdesjet në dozim
  • kombinimet e rrezikshme që mund të bëni nga mungesa e njohurive
  • efektet e padëshiruara të barnave

 

                                              MOS PËRDORNI KURRË BARNA

                                 PA REKOMANDIMIN DHE MBIKQYRJEN  E MJEKUT !


ALKOLI , DROGA DHE “TURPI” PËR TË KËRKUAR NDIHMË MJEKËSORE

venis

Përdoruesit e substancave narkotike dhe alkolit njëkohesisht që kanë dhe një çrregullim me natyrë mendore janë gjithnjë në një rrezik më të rritur për sjellje të përsëritura agresive. Problemi më i madh është se shpesh kjo kategori nuk pranon të marrë mjekim, por shpeshherë edhe familjarët bijen në grackën e stigmës apo turpit nga opinioni. Përdorimi i drogës apo alkoolit është i lidhur me sjellje të shprehura dhe të përsëritura antishoqërore, me ofendime, mungesë dhembshurie dhe sjellje të dhunshme deri në krime ndaj të tjerëve sidomos kur pacienti ka gjithashtu një çrregullim mendor siç mund të jenë psikozat dhe çrregullimet e rënda të personalitetit. Studime të ndryshme konstatojnë se 40-60 për qind të sulmeve dhe vrasjeve dhe 30 deri në 70 për qind të përdhunimeve, dhe rreth 40-80 për qind e rasteve të dhunës në familje, këto shifra ndryshojnë sipas vendeve të ndryshme.Në Shqipëri ndryshe nga vendet e tjera nuk ka institucion specifik për këtë qëllim ndonës janë bërë shume projekte qe kane mbetur ne leter.  Suedia ka rregullat më të rrepta kundër drogës por dhe institucione të posaçme trajtimi që kane reduktuar në një nivel shumë të larte krimet e dhunshme të kësaj kategorie.


GJËNDRRA TIROIDE DHE DEPRESIONI

venis

 

5

Sëmundjet e TIROIDES imitojnë shpeshherë Depresionin.

Rënja e funksioneve të tiroides e quajtur hipotirozë , mund të imitojë simptomat e një DEPRESIONI. HIPOTIROZA është sëmundja kur gjëndrra tiroide nuk arrin të prodhojë sasinë e nevojshme të hormoneve tiroide për organizmin. Hormonet tiroide kontrollojnë metabolizmin e organizmit.

Hormonet e tiroide-s të emërtuara T3 (Trijodotironinë) dhe T4 (tiroroksinë), luajnë një rol të rëndësishëm në kontrollin e metabolizmit qelizor në organizëm. Hormonet T3 dhe T4 , ndikojnë në temperaturën e trupit, në qarkullimin e gjakut, në oreks, në nivelet e energjisë, në tonusin muskular, në punën e zemrës, në metabolizmin e proteinave qelizore dhe në nivelin e yndyrës në gjak (kolesterolit dhe fraksioneve të tij, HDL dhe LDL) etj.

Si në rastin kur sasitë e T3 dhe T4 në gjak janë të larta, ashtu edhe kur janë të ulura, shfaqen ndryshime të rëndësishme në metabolizëm, që manifestohen me shumëllojshmëri simptomash të ankthit, atakeve të panikut dhe simptoma depresive. Shpesh herë këto simptoma keq interpretohen dhe mund të ngatërrohen lehtë me një DEPRESION, ndërkohë që sëmundja e tiroides është sëmundja primare dhe duhet kuruar sa më parë. Në fazat e hershme të hipotirozës, individët kanë ndjesinë e dobësisë dhe të lodhjes, dhimbje të pashpjegueshme të muskujve, ndjeshmëri të shprehur ndaj ndryshimeve të temperaturës (si ndjeshmëri të shprehur ndaj të ftohtit ashtu eshe ndaj të ngrohtit), kanë ndryshime në peshë apo kapsllëk, kolesterolemi të lartë dhe jo rrallë herë shfaqet ngjirja e zërit, etj.

Për të përjashtuar një sëmundje të tiroides është rëndësishme të bëhet:

një ekzaminim fizik i hollësishëm nga mjeku
disa analiza rutinë të gjakut përfshirë kuadri i plotë i gjakut, (gjaku formulë)
analiza për nivelin e hormoneve të tiroides T3,T4 duke përfshirë edhe nivelin e TSH (hormoni stimulus i tireoides),
analiza e përcaktimit të nivelit të kolesterolit sëbashku me fraksionet e saj
testet e funksionimit të mëlçisë,
Një kontroll i përgjithshëm mjekësor asnjëherë nuk është i tepërt !

Një anamnezë e kujdesshme nga mjeku specialist dhe kryerja e ekzaminimeve laboratorike të rekomaduara, janë sekreti i një diagnoze të saktë … për rrjedhojë dhe i një mjekimi të sigurtë e të suksesshëm.


Çfarë është HIPOKONDRIA ?

venis

Hipokondria është një gjendje, e cila karakterizohet nga bindja se simptomat fizike që përjeton personi janë shenja të një sëmundje të rëndë, edhe kur nuk ekziston asnjë provë mjekësore për të mbështetur praninë e një sëmundjeje. Fillimi i hipokondrive zakonisht shfaqet në moshën e hershme të të rriturit dhe karakterizohet nga një dekurs kronik sidomos kur nuk trajtohen në kohë .
Në mënyrë të përmbledhur kriteret për të bërë diagnozën e hipokondrisë janë :

1. Preokupimi mbi frikën e vuajtjes nga një sëmundje serioze.
2. Personi nuk bindet për të kundërtën edhe kur të gjitha ekzaminimet dhe analizat laboratorike janë normale
3. Simptomat nuk janë të natyrës deluzionale dhe as lidhen me to ose nuk kufizohen në shqetësimin rreth pamjes së jashtme.
4. Çrregullimi shkakton dëmtime të rëndësishëme në funksionim.
5. Kohëzgjatja e simptomave dhe ankesave duhet të jetë më shumë se gjashtë muaj.
6. Simptomat nuk shpjegohen me asnjë çrregullim tjetër.
Informimi dhe shpjegimi i mungesës së një procesi të sëmundjes, ose shpjegimi mbi natyrën beninje të simptomave, shpesh herë japin rezultate por shpesh krijojnë një siguri të përkohshme. Kur ndodh ripërtsëritja e simptomave atëherë pacienti rifillon përsëri me kontrolle të tepruara dhe të vazhdueshme si dhe mund të shkaktojë varësi ndaj qetësuesve që përdor. Kjo gjëndje sh[pesh mund të shoqërohet njëkohësisht edhe me çrregullimin e panikut , të ankthit apo me depresion.
Citim: PSIKOPATOLOGJIA ©2013, Sadik H Lala


Çfarë është Urgjenca Psikiatrike ?

venis

 

6

Urgjencë psikiatrike quhet ajo situatë që kërkon ndërhyrje ndërhyrje të menjëhershme mjekësore , për shkak sjelljeve, veprimeve apo mendimeve  të një individi , që mund të  rrezikojnë seriozisht jetën e individit ose të të tjerëve.

Për mjekun psikiatër, fjala urgjencë psikiatrike nënkupton  një situatë që kërkon  ndërhyrje të menjëhershme për të qetësuar pacientin dhe për të dominuar  situatën e individit.

Rastet më të zakonshme  që paraqiten në urgjencën psikiatrike janë:

•    krizat e forta të ankthit

•    krizat e rënda  depresive

•    frenimi psikomotor depresiv

•    frenim psikomotor psikotik

•    pacientët me tentativë suicidale

•    pacientët me ide suicidale

•    Pacientët e dhunshëm , të acaruar dhe agresivë.

•    Një episod fillestar psikotik

•    Acarim i papritur  simptomave psikotike tek pacientët nën mjekim

•     gjendjet me çorientim dhe me konfuzion të vetëdijes

•    sindromi malinj neuroleptik

•    sindromi i serotoninës

•    komplikime të tjera nga barnat psikotrope

•    helmimet akute ose mbidozimet nga substancat narkotike

•    deliriumi tremens i alkolistëve


Çfarë është psikologjia pozitive ?

venis

Një video ilustrim i shkëlqyer , një leksion i njërit nga “baballaret” e saj, Martin Saligman.

Kliko Ketu


FAKTE MBI DEPRESIONIN

venis

Këshillimi sa më heret me specialistet është pika kyce e trajtimit të depresionit
Depresioni është një sëmundje serioze që karakterizohet nga një ndjenjë trishtimi i vazhdueshëm.

Simptomat e Depresionit trajtohen me sukses me barna psikoterapi ose me te dyja bashkë. Lehtesimi i simptomave rrit funksionimin dhe permison dukshëm cilësinë e jetës Një ambient i ngrohtë social dhe familjar është element shumë i rëndësishëm në ecurinë e mirë të Depresioneve
Disa individë përjetojnë vetëm një episod të vetëm të depresionit, ndërsa disa të tjerë mund të kalojnë disa episode me rikthime të shpeshta të simptomave.
Afro 50% e individëve me depresion klinik tipik nuk marrin mjekim për sëmundjen e tyre.Mbi 25% e njerëzve gabimisht besojnë se depresioni është një shenjë e dobësie se sa një sëmundje e mirëfilltë. Femrat kanë një tendencë më të shprehur se meshkuj për tu prekur nga depresioni. Barnat antidepresive shkurtojnë kohëzgjatjen e episodeve depresive. Kur nuk funksionojnë barnat alternative e vetmja alternative e sigurtë është Terapia elektrokonvulsive ECT.
Vetëm në vitin 2007, në Shqipëri janë regjistruar 216 vetëvrasje , por është fakt se shumë vetëvrasje mbeten dhe të pa regjistruara si brënda vendit dhe emigrantët që jetojnë jashtë Shqipërisë. Nga statistikat e OBSH(Organizatës Botërore të Shëndetësisë) rreth 15% e njerëzve të me depresion kanë tendencë të kryejnë suicid ( vetëvrasje). Vihet re një tendencë në rritje e suicidit të moshave të reja ne te gjithe boten
Sipas Organizatës Botërore të Shëndetësisë, niveli i vetvrasjeve në Shqipëri për periudhën 1987 deri 2003 shifra e suicideve ka arritur në në 4.3 raste në 100.000 banorë. Organizata Botërore e Shëndetësisë ka shpallur datën 10 Shtator , si ditën e sensibilizimit kundër suicidit, nisur nga shifrat alarmante të rritjes së suicidit në të gjitha vendet, çdo 40 sekonda sipas statistikave të OBSH një person i jep fund jetës me vetëvrasje një suicid në botë.